Naya Aasha ,
जनकपुरधाम : प्रहरीले धनुषाबाट एक जनालाई लागुऔषधसहित पक्राउ गरेको छ। पक्राउ पर्नेमा धनुषाधाम नगरपालिका–९ धारापानीका अन्दाजी २० वर्षीय रोहित ठाकुर रहेको प्रहरीले जानकारी दिएका छन् ।
ठाकुरलाई शंकाको आधारमा चेकजाँचको क्रममा धनुषाको बिहेद नगरपालिका– ३ झुलुङ्गे पुल नजिकैबाट इलाका प्रहरी कार्यलय दुहबीबाट प्रहरी नायव निरीक्षक जयप्रकाश साहको कमान्डमा रहेको गस्ती टोलीले पक्राउ गरेको धनुषा प्रहरीले जनाएको छ।
पक्राउ परेका ठाकुरको साथबाट नेट्राभेट ट्याबलेट–२० पत्ता लगायतका लागूऔषधसहित मोवाइल थान–१ बरामद गरेको प्रहरीले बताएको छ। पक्राउ परेका ठाकुरमाथि थप अनुसन्धान भैरहेको जिल्ला प्रहरी कार्यलय धनुषाले जनाएको छ।
प्रकाशित मिति: २०२३-१०-१५ , समय : २३:१०:५३ , १ वर्ष अगाडि