जनकपुरधाम उपमहानगरपालिका भित्रका विद्यालयहरु बन्द रहने पुस महिनाभरि

जनकपुरधाम । जनकपुरधाम उपमहानगरपालिकाभित्र रहेको समुदायिक तथा सँस्थागत विद्यालयहरु भोलीदेखि पुस मसान्तसम्म बन्द रहने भएको छ ।

शितलहर बढेपछि जनकपुरभित्र सँचालनमा रहेका विद्यालयहरु भोली पुस १९ गतेदेखि पुस २९ गतेसम्म जाडो विदा दिएको हो । विभिन्न विदाहरु कटौती गरी नगरपालिकाले विदा दिएको हो ।

अत्यधिक चिसो र जाडोको कारण बालबालिकाहरुको स्वास्थ्यमा पर्न सक्ने गम्भिर असरलाई मध्यनजर गर्दै उपमहानगरपालिकाले एक सूचना जारी गर्दै २९ गतेसम्म विद्यालयहरु विदा रहने जनाएको छ ।

जनकपुरधाम उपमहानगरपालिकाका शिक्षा तथा खेलकुद शाखाका अधिकृत धीरेन्द्रलाल कर्णद्धारा जारी गरिएको सूचनामा पुस १९ गते शुक्रबारदेखि पुस २९ गते सोमबारसम्म विदा रहने भएको छ ।

प्रकाशित मिति: २०२५-०१-०२ , समय : १८:५४:३७ , २ हप्ता अगाडि