Naya Aasha ,
अफगानिस्तानसंग स्तब्ध भयो अघिल्लो पटकको विश्वविजेता इङ्ल्यान्ड
नयाँ दिल्ली – विश्वकप २०२३ अन्तर्गत आईतवार खेलिएको एउटा रोमाञ्चक खेलमा अफगानिस्तानले इङ्ल्यान्डलाई स्तब्ध बनाएको छ।
आजको खेलमा अफगानिस्तानले इङ्ल्यान्डलाई ६९ रनले हराउँदै आश्चर्यजनक परिणाम निकालेको छ । २८५ रनको लक्ष्य पछ्याएको इङ्ल्यान्डको पुरै टीम ४०.३ ओभरमा २१५ रनमा अलआउट भयो ।
जारी विश्वकपको यो सबैभन्दा अप्रत्याशित परिणाम हो ।
जारी विश्वकपमा अफगानिस्तानको यो पहिलो जीत समेत हो, जबकि इङ्ल्यान्डको दोस्रो हार हो ।
दुबैले अहिले सम्म ३-३ खेल खेलेका छन् ।
नयाँ दिल्लीमा खेलिएको आजको खेलमा अफगानिस्तानको टीमले सबैलाई आश्चर्यमा पार्दै अघिल्लो पटकको वर्ल्डकप विजेता इङ्ल्यान्डलाई हराएको हो ।
अफगानिस्तानका मुजीब उर रहमान र राशिद खानले कसिलो बलिङ गर्दै समान ३ विकेट लिए पछि इङ्ल्यान्ड खेलमा फर्किन सकेको थिएन।
इङ्ल्यान्डका ह्यारी ब्रूकले ६६ रन बनाउनु भएको अन्य खेलाडीले गतिलो रन बनाउन सकेनन् ।
प्रकाशित मिति: २०२३-१०-१५ , समय : २३:२०:१६ , १ वर्ष अगाडि